История обретения и молитва образу Богородицы Державная

«Державная» икона Божией Матери

Икона Божией Матери, Именуемая «Державная», была явлена в Коломенском близ Москвы 2(15) марта 1917 года, в день вынужденного отречения от престола святого Царя-мученика Николая II. Восседающая на царском престоле Царица Небесная. Красная порфира. Золотой венец. В руках — скипетр и держава. На коленях — Богомладенец. За несколько дней до явления иконы крестьянке Евдокии Андриановой приснился сон. «Есть в селе Коломенском, - говорил ей таинственный голос, - большая черная икона. Ее нужно взять, сделать красной. Пусть молятся.» Вместе со священником коломенского прихода Евдокии Андриановой удалось разыскать эту икону, хранившуюся в подвале храма. Весть о чудесно явленном образе быстро облетела Россию и расценивалась верующими как знак того, что Царица неба и земли взяла в Свои руки управление Россией.

Молитва «Державной» Божией Матери

О Держа́вная Влады́чице, Пресвята́я Богоро́дице, на объя́тиях Свои́х держа́щая содержа́щаго всю вселе́нную Царя́ Небе́снаго! Благодари́м Тя за неизрече́нное милосе́рдие Твое, я́ко благоволи́ла еси́ яви́ти нам гре́шным и недосто́йным сию́ святу́ю и чудотво́рную ико́ну Твою́ во дни сия́ лука́выя и лю́тыя, я́ко вихрь, я́ко бу́ря ве́тренная наше́дшая на страну́ на́шу, во дни уничиже́ния на́шего и укоре́ния, во дни разоре́ния и поруга́ния святы́нь на́ших от люде́й безу́мных, и́же не то́чию в се́рдце, но устна́ми де́рзостно глаго́лют: несть Бог, и в де́лех сие́ безбо́жие показу́ют. Благодари́м Тя, Засту́пнице, я́ко призре́ла еси́ с высоты́ святы́я Своея́ на ско́рби на́ша и го́ре чад правосла́вных, и я́ко со́лнце све́тлое, увеселя́еши изнемо́гшия от печа́ли очеса́ на́ша пресла́достным зре́нием Держа́внаго О́браза Твоего́. О Пребогослове́нная Ма́ти Бо́жия, Держа́вная Помо́щнице, кре́пкая Засту́пнице! Благодаря́ще Тя со стра́хом и тре́петом, я́ко раби́ непотре́бнии, припа́даем Ти со умиле́нием, с сокруше́нием серде́чным и со слеза́ми, и мо́лим Тя и стеня́ще вопие́м Ти: спаси́ нас, спаси́! Помози́ нам, помози́! Потщи́ся: погиба́ем! Се живо́т наш а́ду прибли́жися, се обыше́дше обыдо́ша нас греси́ мно́зи, беды́ мно́зи, врази́ мно́зи. О Небе́сная Цари́це! Ски́петром вла́сти Твоея́ Боже́ственныя разсе́й, я́ко прах, я́ко дым, нечисти́выя ко́зни враго́в на́ших ви́димых и неви́димых, сокруши́ велере́чивыя помышле́ния их и запрети́ им, и я́ко Ма́ти всех, на путь пра́вый и богоуго́дный наста́ви их. Вкорени́ в сердца́ всех нас пра́вду, мир и ра́дость о Ду́се Свя́те; водвори́ в стране́ на́шей тишину́, благоде́нствие, безмяте́жие, любо́вь друг ко дру́гу нелицеме́рную. Держа́вою Твое́ю всеси́льною удержи́, Пречи́стая, пото́ки беззако́ния, хотя́щия потопи́ти Зе́млю Ру́сскую в стра́шней пучи́не свое́й. Поддержи́ нас сла́бых, малоду́шных, немощны́х и уны́лых, укрепи́, возста́ви и спаси́, я́ко да под Держа́вою Твое́ю всегда́ храни́ми, пое́м и велича́ем пречестно́е и великоле́пное и́мя Твое́ ны́не и при́сно и во ве́ки веко́в. Аминь.

Стихира, глас 8

О, пресла́вного чудесе́: Небесе́ и земли́ Цари́ца, от святы́х сро́дников на́ших умоля́емая, до ны́не Зе́млю Ру́сскую покрыва́ет и ли́ка Своего́ изображе́ниями ми́лостивно обогаща́ет. О Влады́чице Держа́вная, не преста́ни и на бу́душее вре́мя во утвержде́ние на Руси́ Правосла́вия ми́лости и чудеса́ излива́ти до ве́ка. Аминь.

Тропарь Державной Божией Матери

А́нгелов ли́цы благогове́йно Тебе́ слу́жат, и вся небе́сныя си́лы немо́лчными гла́сы Тя ублажа́ют, Богоро́дице Де́во: усе́рдно мо́лим Тя, Влады́чице, да пребу́дет Боже́ственная благода́ть на честне́й ико́не Твое́й Держа́вней, и светоза́рный луч сла́вы чуде́с Твоих да нисхо́дит от нея́ на всех, с ве́рою Тебе́ моля́щихся и вопию́щих Бо́гу: Аллилу́иа.

Богородица Державная. Обсуждения

Понравилась статья? Есть вопросы? Хочется высказать своё мнение? Всё это возможно сделать на форуме